Proba aurrera doa, eta pilotuek bost jaitsiera gehiago dituzte aurretik, 28 kilometroko ibilbidean eta 1.200 metroko desnibelarekin. Azkonabietan eta Goikomendin ere ibiliko dira. Parte-hartzaile asko eguraldiari begira daude, baina ez dago kezka handirik. Eguerdira arte Elgetako tontorretan gora eta behera ibiliko dira. Laguntzaile gisa diharduen herritar talde handi bat ere badago.

Itzuliaren azken etapa gaur jokatuko da, Antzuola-Bergara etapa hain zuzen ere. Elgetatik birritan pasako da, bietan Asentziotik: 14:15ean eta 17:15ean. Asentzio izango da lehen eta azken mendatea. Bizikletak garbitzeko gunea eta kiroldegiko dutxak erabilgarri egongo dira. Amaieran, txitxi-burruntzia ere egingo da. Txirrindularitzaren inguruan “egun osoko plana” egiteko “aukera polita” izango da gaur Elgetan.