Gai-zerrendan jasotakoen artean, aurreko bilkurako akta onartzea eta alkatearen jakinarazpenak izango dira lehen puntuak. Ondoren, Fagor Automation S.COOP-ekin etorkizunean pabiloiak trukatzeko hitzarmen proposamena aztertuko da.
Halaber, 2026ko hirugarren hiruhilekoaren finantza eta ekonomia arloko informazioa aurkeztuko da, baita udal betebeharrak ordaintzeko aurreikusitako epeak betetzeari buruzko txosten hiruhilekoa ere. Horrez gain, onartutako eskubideei baja emateko proposamen bat eta 2024-2027 Dirulaguntzen Plan Estrategikoaren 2/2026 aldaketa proposamena landuko dira.
Eskoriatzako EAJ/PNV taldeak mozio bat aurkeztu du Ertzaintzari eta Euskadiren etorkizuneko segurtasun eredu integralari buruz. Horrez gain, alkateak Euskararen Nazioarteko Eguna 2026 ospatzeko adierazpen instituzional bat proposatu du.
Osoko bilkura galde-eskeekin amaituko da.




