Gipuzkoako alkateak Noaingo aireportutik (Nafarroa) joango dira Sevillara ostiral arratsaldean, Realak antolatutako hegaldi berezi batean. Helburua Cartuja futbol-zelaian jokatuko den Kopako finala zuzenean ikustea da. Larunbatean giro txuri-urdinean murgilduko dira, eta igandean, 12:00etan, itzulerako hegaldia hartuko dute.
Hala ere, batzuek bestelako planak dituzte. Izaro Elorza Arregi, Oñatiko alkatea, adibidez, familiarekin joango da Sevillara. Partidua Cartujan ikusiko du gainerako alkateekin batera, baina asteburuko gainerako orduak etxekoekin pasako ditu, hasieratik horrela antolatuta baitzuen bidaia.
“"Aldundiak, hasiera batean, hiru udalerritan jarriko zituela adierazi zuen –Tolosan, Zarautzen eta Zumarragan–. Eta, dirudienez, Aldundira deitu duten udalei ere lagunduko die orain pantailak jartzeko; denera, hamaika herri izango dira, baina Debagoieneko bakar bat ere ez. Ez dute ofizialki inon iragarri lagunduko zutenik, eta, beste behin, Debagoieneko herriak baztertuta geratu gara."
Bestalde, Olatz Lezeta Antzuolako alkateak, Debagoieneko alkateen izenean, haserrea adierazi du Aldundiak eskualdean pantailarik jarriko ez duelako. Lezetak kritikatu du Aldundiak hasieran hiru udalerritan (Tolosa, Zarautz eta Zumarraga) pantailak jarriko zituela iragarri zuela, eta orain deitu duten udalei ere lagunduko diela, baina Debagoieneko herriak baztertuta geratu direla salatu du.
