Arrasateko Atxabalpe n gordeta dauden egurrezko piezak estali egingo ditu Foru Aldundiko Kultura Sailak datozen egunetan. Pieza hauek lurretik isolatzeko eta hezetasunarekin zuzeneko kontaktua ekiditeko jarri ziren, baina hasiera batean aurreikusita zegoen estalketa atzeratu egin zen, piezen hezetasun maila altua zela eta.

Jatorrizko planak egurrezko egitura lonaz estaltzea aurreikusten zuen, baina piezak lekuz aldatzean zuten hezetasun maila altuagatik, estalketa berehala egiteak ez zuela egokia izango pentsatu zen. Izan ere, baloratu zen estalketa azkarrak egurraren aireztapena oztopatu eta kondentsazioa edo narriadura prozesuak sor zitzakeela.

Denbora tarte honetan, jarraipen bisitak egin dira piezen lehortze maila eta hezetasun egoera egiaztatzeko. Era berean, egitura desmuntatu zeneko eskaneari buruzko egiaztapen eta kontraste lanak ere egin dituzte.