Arrasaten, AP-1eko irteera-adarra itxita egongo da gaur gauean, gauerditik aurrera, gutxi gorabehera 01:00etatik 05:00etara. Zoladura konpontzeko lanak direla eta, bi noranzkoetan egongo da itxita. Ibilgailuek Eskoriatzako 123 lotunea erabili beharko dute Arrasatera GI-627 errepidetik iristeko.

Bihar gauean, berriz, Bergaran egingo dituzte lanak. AP-636 eta AP-1 errepideen arteko lotunea itxiko dute, dilatazio junta bat konpontzeko. Mozketa hau bihar gauean izango da, 21:30etik 05:00etara gutxi gorabehera.

Itxiera honek eragina izango du AP-636 errepidean, 21. lotunetik ordainlekura arte. AP-1a Eibarko noranzkoan hartu nahi duten gidariek GI-627tik Bergarako iparraldeko lotunera joan beharko dute. AP-1a Gasteizko norabidean hartu nahi dutenek, berriz, 21. lotunetik atera eta biribilgunean zaintzaileari adierazi beharko diote ordainlekura sartzeko adarra hartu ahal izateko.