Iruñerrian 2020an sortutako taldeak pop-rock doinuak lantzen ditu, bi gitarra, baxua, bateria eta akordeoia oinarri hartuta, ukitu elektronikoekin aberastuz. Taldeak iazko urrian kaleratu zuen bere bigarren diskoa, Ipuinak izenburupean, eta ordutik Euskal Herriko hainbat txokotan izan dira aurkezpen birarekin.

Aretxabaletakoa izango da birako hurrengo geldialdia. Kontzertu honetan eta 2025ean zehar eskainiko dituzten emanaldietan, Naroa Goñi izango da taldeko abeslaria, Luar Alberdi taldekide ohiaren lekukoa hartuz.

Sarrerak dagoeneko salgai daude Aretxabaletako Udalaren webgunean, sei euroko prezioan.