Bartzelonatik etorritako Johnny BigStone & Sweet Marta bikoteak emanaldi atsegina eskaini du igande eguerdian, Arrasateko Kajoi tabernan, Arrasate Blues jaialdiaren baitan. Jendea gustura egon da blues doinuak entzuten, eta giro ederra sortu da.
Bi musikariek euren hirugarren diskoa aurkeztu dute, Love Gone izenekoa, eta une batzuetan Arrasateko lagun batek ere parte hartu du haiekin, aho-soinua jotzen. Emanaldian zehar, Creedence Clearwater Revival taldeak ezagun egindako Midnight Special kantua ere jo dute.
