Ekimen honen helburu nagusia azken urteetan egindako lana berrikustea eta EH Bildu eta Elkarrekin Arrasate k legegintzaldi hasieran hartutako konpromisoak betetze maila zuzenean ezagutaraztea da.

Udal gobernuak azpimarratzen duenez, aipatu plana "etengabeko ebaluaziorako tresna" gisa ulertzen da. Horregatik, "gardentasun ariketa honen bidez, herritarrekin batera kudeaketaren exekuzio egoera partekatu nahi dugu".

Topaketetan alkatea eta udal gobernu taldeko kideak izango dira, eta baita udalerriko hainbat proiektu estrategiko zehaztuko dituzte. Gainera, bilera bakoitzaren amaieran, herritarrek galderak egin eta zalantzak argitu ahal izango dituzte udal arduradunekin, elkarrizketa gune irekia sortuz.

Bi saio ireki antolatu dira, biak 18:30etik 20:00etara. Lehenengoa, asteartean, maiatzaren 19an, Etxaluzen izango da, San Andres auzoan. Bigarrena, berriz, ostegunean, hilaren 21ean, Musakolako jubilatuen etxean.

Topaketak auzo horietan izango badira ere, Arrasateko herritar guztiei irekita daude. Udalak herritarren parte-hartzea animatu du, etorkizuneko proiektuak eta legegintzaldi honetako udal politika-­aren bilakaerari buruzko iritziak elkarrekin aztertzeko.