Gaurko egunean euria espero bazen ere, pilotuek espero baino lur lehorragoa aurkitu dute zirkuituan. Goizeko 08:00etan lehenengo proba puntuun (TC) hasi direnean konturatu dira hezetasuna izango dela aurkari nagusietako bat. Lehenengo jaitsierak ezustean harrapatu ditu asko, eta ondorengo jaitsierak Anporretako gunean egin dituzte.
Goiza ondo joan da oro har, baina pena izan da azken jaitsieran pilotuetako batek min hartu izana. Wild West-eko gunean gertatu da istripua, eta pilotua bertan geratu da, mugitu ezinik. Suhiltzaileek bertaratu behar izan dute laguntzera.
Halako erabakiak ez dira inoren gustuko izaten, baina hori izan da erabaki salomonikoa.
Istripuaren ondorioz, lasterketa minutu askotan geldi egon da, amaierako jaitsiera baitzen. Horrek esan nahi du atzetik etorri diren pilotuei ez zaiela azken jaitsiera horrek sailkapenerako balio izan. Antolatzaileek erabaki zaila hartu behar izan dute, baina segurtasuna lehenetsi dute.
Orokorrean, bai pilotuak eta bai antolatzaileak pozik agertu dira lasterketak emandakoaz. Antolatzaileek lan handia egin dute hitzordu hau aurrera ateratzeko, eta zenbait jaitsiera sekretupean mantendu nahi izan dituztelako, atzo gauean ere ibili ziren markaketako azken lanak egiten eta bidetxurrak txukuntzen.
