Istripua Kanpanzarren (Arrasate) gertatu da, N-636 errepideko 34. kilometro puntuan, Beasaingo noranzkoan. Bi ibilgailuk aurrez aurre jo dute. Gertatutakoaren berri izan bezain laster, Ertzaintza eta larrialdietako osasun zerbitzuak bertaratu dira.
Talkan zauritu den pertsona bakarra helikopteroz eraman dute Gurutzetako Ospitalera. Ertzaintzak jakinarazi duenez, zaurituaren egoera larria da, ustez.
Istripuak zirkulazio etenaldia eta auto-pilaketak eragin ditu denbora luzez. 15:15ean, bi kilometrorainoko ilarak sortu dira gertaera puntuan. Arratsaldeko ia bostak arte egon da errepidea itxita noranzko bietan, garbiketa lanak eta kaltetutako ibilgailuak erretiratu ondoren.
