Jaiak herriko hainbat txokotan zehar zabalduko du bere egitaraua, goizeko lehen ordutik. Herriko Plazan, ongietorri ekitaldiak emango dio hasiera egunari 10:30ean, eta 12:30ean, Potx eta Lotx pailazo oñatiarrek hartuko dute lekukoa. Arratsaldean, leku berean, Aliritzi taldearen erromeria parte-hartzailea izango da 16:30ean, eta Alarma Morea ren kontzertua 18:00etan.

Luis Ezeiza ikastetxeko patioan, berriz, kirol lehiaketa bat antolatuko da goizean, eta 17:00etatik aurrera, 4D/49, Perlata eta Babesgabe taldeen kontzertuak izango dira protagonista. Jarduerak beste gune batzuetan ere egingo dira: Santa Marina plazan gimnasia erritmikoko erakustaldiak eta puzgarriak egongo dira, eta Gorosarri plazan, berriz, aireko telen ikuskizunak. Arana kalean tailerrak eta elkarteak bilduko dituen azoka jarriko dira.

Kiroldegian herri bazkaria egingo da, eta ondoren ipuin saio bat eskainiko da. Ez dira faltako ezta ere txaranga eta erraldoi eta buruhandiak, kaleei erritmoa eta kolorea emanez. Gainera, puntu more bat ere egongo da, indarkeria matxistaren aurrean arreta, informazioa eta laguntza eskaintzeko gunea, baita 'food truck'-ak ere, gosea asetzeko eskaintza gastronomikoarekin. Aparkaleku bereziak ere egongo dira tren geltoki zaharrean, Torrebaso n eta Ederlan en, bertaratzea errazteko.

Garraio publikoari dagokionez, Lurraldebus ek zerbitzu bereziak eskainiko ditu Bergara eta Eskoriatza artean, 10:15ean, 11:15ean eta 12:15ean irteerekin, eta 18:25ean, 19:25ean eta 20:25ean itzulerarekin. Era berean, DG10 linea (Bergara–Arrasate–Aretxabaleta–Eskoriatza) indartuko da eskariaren arabera. Ordutegiak Lurraldebus en webgunean edo 900 300 340 telefonoan kontsulta daitezke.