Miguel Okina margolari bergararraren jaiotzaren mendeurrena gogoratzeko, Bergarako Artisten Elkartea k, Beart ek, urte osoko egitarau zabala antolatu zuen 2024 eta 2025 urteetan. Ekitaldi horien artean, Miguel Okina 1924-2021. Artea etxeetara iritsi zenekoa izeneko liburuaren aurkezpena nabarmendu zen iazko irailean, udaletxeko areto nagusian.

Orain, Miguel Angel Elkoroberezibar egileak liburu hori xubi.eus webgunean jarri du eskuragarri. Horrekin batera, Bergara, pintore herria izeneko testua ere argitaratu du. Testu hori Okinaren liburuaren aurkezpenean Elkoroberezibarrek berak emandako hitzaldian oinarritzen da, eta azken 250 urteetan arte plastikoek eta artistek Bergara n izan duten garrantzia azpimarratzen du, "transmisioaren gakoak" azalduz.

Elkoroberezibarrek bere testuaren sarreran adierazten duenez, Bergara n pintura eta pintoreak beti izan dira errespetuz tratatuak. Horren adibide gisa, 1774 an Euskalerriaren Adiskideen Elkarteak Bergarako Doako Marrazketa Eskola sortu zuela aipatzen du, Parisko doako Errege Eskolaren estatutuak eredutzat hartuta eta Peñafloridako kondea buru zela.

Liburuaz gain, Beart elkarteak Okinaren jaiotzaren mendeurrenaren harira bi erakusketa antolatu zituen Aroztegi aretoan: Zurian beltz, Okinak ikatzez egindako 100 erretratu biltzen zituena, iazko martxoan, eta Miguel Okinaren erakusketa antologikoa, urte bereko urrian. Gainera, artistaren lanak ikusteko bisitak antolatu ziren herriko elkarte gastronomikoetara, non bere margolanak hormetan zintzilik dauden.

Miguel Angel Elkoroberezibarrek azken urteetan Bergara ko historia, pertsonaiak eta artistak jorratuz idatzitako argitalpen ugari, baita ikus-entzunezkoak eta argazkiak ere, Don Serafin Esnaola renak kasu, xubi.eus webgunean bildu ditu.