Taldeak amestutako denboraldia ari da egiten, eta Sara Balentziaga kapitainaren hitzetan, «hiru final handi» geratzen zaizkie aurretik. Euskal Ligarako igoera oso gertu dute, sailkapenean lider baitira 64 punturekin, Intxaurdi bigarren postuan dagoelarik hiru puntu gutxiagorekin.
“"Uste dut taldeko kide bakoitzaren ametsa lortzen ari garela eta oraindik bidean gaudela. Asko daukagu disfrutatzeko, baina, atzera begiratuta ere, oso harro gaude egin dugun guztiagatik. Igoera eskura daukagu."
Joan den asteburuan, Aiztondori 12-0 irabazi zioten Agorrosinen. Igandean, 12:30ean, Oiartzunen neurtuko dituzte indarrak, sailkapenean zazpigarren postuan dagoen talde baten aurka. Taldeko kideek adierazi dutenez, aurkari gogorra da, baina baliabide, entrenamendu eta estrategia nahikoak dituzte aurre egiteko.
Datorren astean jokatuko dute denboraldi honetako azken partida etxean, Elgoibarren aurka. Ondoren, Pentekosteetako asteburuan, kanpoan jokatuko dute Intxaurdiren aurka, denboraldiari amaiera emanez. Taldeak amaiera polita izatea espero du.
