Maialen Gurrutxaga, Elgoibar ko alkateak, eta Amaia Sastre, Elgoibarko Izarra Euskaltzaleon Topagunea elkarteko presidenteak, sinatu dute bi erakundeen arteko lankidetza hitzarmena. Ekitaldian izan ziren, baita ere, Aitor Iriondo, Euskara eta Gazteria eta Hezkuntza arloetako zinegotzi arduraduna, eta Amaia Lasagabaster, elkarteko kudeatzailea.
Alkateak jakinarazi duenez, dirulaguntza hori Elgoibar ren euskararen erabilera sustatzeko ekintzak eta haurrentzako aisia hezitzaileko egitasmoa finantzatzeko erabiliko da. Aurreko urteetan bezala, diru kopurua bi udal sailetatik bideratuko da: Euskara sailetik 130.000 euro jasoko ditu elkarteak eta Gazteria eta Hezkuntza sailetik, berriz, 74.000 euro.
Hitzarmenaren baitan, Udalak hainbat ekimen diruz lagunduko ditu. Zehazki, Barrena komunikazio proiekturako 67.500 euro, Berbazulo saioetarako eta Tertuliak ekimenerako 23.000 euro, Euskararekiko motibazioa-erabilera sustatzeko 39.500 euro, oporraldien egitasmoetarako 40.000 euro, Saretzen Familia programarako 18.700 euro, Kaleko ekintzetarako 14.800 euro eta formaziorako 500 euro.
“"Ezinbestekoa da administrazioaren eta herri ekimenaren arteko elkarlana, haurrentzako aisia hezitzaileko eskaintza osatu, eta euskara eta euskal kultura gure herrian sustatu nahi baditugu."
Hitzarmena sinatu ondoren, euskara elkarteak eskerrak eman dizkio Udalari, administrazioaren eta herri ekimenaren arteko elkarlana funtsezkotzat joz, batez ere haurrentzako aisia hezitzaileko eskaintza eta euskara zein euskal kultura sustatzeko orduan.
