Deba, Mutriku eta Zumaia izan dira UNESCOren Munduko Geoparkeen Espainiako Sarearen (REGM) XI. Jardunaldi Irekien egoitza, parte hartze eta eduki aldetik arrakasta handiz burutu direnak. Espainiako estatu osoko 18 geoparketako ordezkariak bildu ziren bertan, ondarearen interpretazioari eta komunikazioari buruzko hausnarketak eta esperientziak partekatzeko, tokiko zein kanpoko elkarte, enpresa eta herritarrekin elkarlanean.
Aurten, "Todo cuenta: interpretar y comunicar un geoparque" lelopean, jardunaldiek geoparkeen komunikazioan eta interpretazioan jarri dute fokua, emaitza interesgarriekin. Topaketaren bezperan, asteartean, Debako Udalean harrera ekitaldi bat egin zen REGM sareko hainbat udalerritatako hogeita hamar alkateri zuzenduta. Bertan, Debako alkateak, Alazne Txurruka, ongietorri beroa eman zien bildutako ordezkariei, Geoparkea osatzen duten beste bi udalerrietako alkateekin batera: Mutrikuko Ainhize Azpiazu eta Zumaiako Iñaki Ostolaza. Jardunaldien esparruan horrelako ekitaldi bat egitea lehen aldia da, eta bere helburua alkateen artean hausnarketa bultzatzea izan zen, datozen erronkei aurre egiteko posizio komun bat adosteko.
Jardunaldien ekitaldi nagusia urriaren 7an izan zen, Zumaiako Aita Mari Antzokian. Ekitaldi instituzional ofizialarekin hasi zen eguna, eta bertan parte hartu zuten Iñaki Ostolaza (Zumaiako alkatea), Ainhize Azpiazu (Mutrikuko alkatea eta Geoparkeako presidentea), Karmah Salman (REGM Koordinatzailea), Isabel Ortega (UNESCOren Espainiako Lankidetzarako Batzorde Nazionaleko Idazkari Nagusiordea), Clara Navas (Eusko Jaurlaritzako Turismo, Merkataritza eta Kontsumo Saileko Turismo Zuzendaria) eta Adolfo Uriarte (Eusko Jaurlaritzako Natura Ondarearen eta Klima Aldaketa Egokitzapenaren Zuzendaria). Kristof Van den Bergeht, UNESCOko Zientziaren Dibisioko Lurraren Zientzien eta Geoparkeen sektoreko buruak, bideo baten bidez parte hartu zuen.
Ondoren, Asier Hilario ren zuzendaritzapean Lurraren Historiaren irakurketa jarraitua egin zen, non jatorrizko narrazio batek estatu osoko 18 geoparkea lerro geologiko temporal batean bildu zituen, historia bateratu bat sortuz. Ondoren, mahai-inguruak izan ziren. Parte hartzaileek beren geoparkeen lurraren historiaren dibulgazioa eta interpretazioa nola egiten den aztertu zuten, lau gai aukeratuz: Panelak eta Geobideak, Bisita Gidatuak, Interpretazio Zentroak eta Dibulgazio Materiala. Azkenik, Aroa Costa, Leongo Unibertsitateko ikertzaileak, aurreko udaberrian Euskal Kostaldeko Geoparkean egindako Interpretazioari Aplikatutako Neuromarketingeko Azterketaren lehen ondorioak aurkeztu zituen.
Jardunaldiaren ostean, parte hartzaileek Zumaiako ezagutzeko hiru bisita gidatu egin zituzten. Taldeetan banatuta, Flysch-a oinez eta "Euskararen enigma" izeneko euskara eta euskal kulturari buruzko bisita gidatu batez gozatu zuten.
Jardunaldien azken egunean, bi irteera egin ziren: bata Debako Historiaurreko Harana (HAB) ezagutzeko eta bestea Mutrikuko erdigune historikoa eta bertako frontoi munizipala eta jokatzen den zesta punta ikusgarria ezagutzeko.
Hurrengo anfitrioiak: Galizia. Asteartean egindako bilera itxian erabaki zen datorren urteko jardunaldien egoitza nor izango den: Cabo Ortegal geoparkeak antolatuko du 12. edizioa. Jardunaldi Irekiak 2014tik egiten dira, geoparkeen arteko loturak indartzeko eta haien lana ikusgarri egiteko helburuarekin.
