Okondon bertan izango dira gaur, ekainaren 29an Urduñan eta uztailaren 8an Arespalditzan. Hitzorduak goizez izango dira eta aurretik eskatu beharko da zita udalerri bakoitzeko Herritarrentzako Arreta Zerbitzuan, bai bulegoan bertan zein telefonoz.
Dokumentuak eskudirutan bakarrik ordaindu ahalko dira. NANak berritzeko prezioa 12 eurokoa izango da, eta pasaporteak eskatzeko, berriz, 30 eurokoa. NANa iraungita ez badago, doakoa izango da berritzea.
Dokumentazioari dagokionez, errolda-agiria beharko da helbidean aldaketarik balego edo dokumentuak lehen aldiz lortzeko. Gainera, argazki gaurkotu bat eraman beharko dute interesdunek.
Informazio gehiago nahi izanez gero edo zalantzak argitzeko, udalerri bakoitzeko telefono zenbaki hauek daude eskuragarri: 945 89 80 23 (Okondo), 945 38 30 03 (Urduña) eta 945 39 90 13 (Aiara).
