Gaur goizean izandako istripuak, Etxaurren ikastolako umeak garraiatzen zituen autobus batek Okondoko A-3641 errepidean izan duena, berriro jarri du agerian errepide horren egoera txarra. Kamioi bat bidegurutzean zegoela, autobusak errepidetik irten behar izan du talka saihesteko. Zorionez, ez da zauriturik izan, baina gertakariak haserrea piztu du berriro, puntu horretan ohikoak diren trafiko ezbeharren artean.
Gertakari honen harira, Okondoko eta Aiarako Udalek berriz eskatu diote Aldundiko Diputatuari, Jon Nogalesi, azpiegitura horretako arazoak behin betiko konpontzeko. Okondoko Udalak zuzenean jakinarazi dio gertatutakoa Nogalesi, eta Aiarako Udalak gutun bat bidali dio, duela aste gutxi egindako antzeko eskaerari jarraipena emanez.
Bi erakundeek bat datoz kexetatik ekintzetara pasatzeko garaia dela adierazteko, eta erabiltzaileen segurtasuna bermatzeko ezinbesteko hobekuntzak behar direla azpimarratu dute.
