Urduñako jai-ereduaren aurkako jarreratzat jo dituzte gertatutakoak. Antolatzaileek azpimarratu dute ezinbestekoa dela indarkeria matxistaren aurrean erantzun kolektiboa ematea, jaiak espazio seguruak eta errespetuzkoak izan daitezen.
Mobilizazioaren helburua ez da soilik gertakariak gaitzestea, baita erasoak jasan dituzten emakumeei elkartasuna helaraztea ere. Jaiak Koordinatzeko Mahaiak gogorarazi du herritarren eskura daudela laguntza-baliabideak, hala nola puntu moreak eta txosnetako gune seguruak.
