Burubio Elkartea k, Aiaraldea ko kultur sorkuntzaren ardatz izan denak, bere ibilbidea eten du behin betiko. 2023tik zeraman ezintasunak proiektuaren etorkizuna bideraezin egin du, eta horren ondorioz, musikariak eta zuzeneko musika maite duten zaleak babesgabe geratu dira.
Elkartearen 10. urteurren arekin bat egin du itxierak. 2016 an sortu zen proiektua, hasiera batean entsegu-lokalak bizirik mantentzeko helburuarekin. La Kuadra etxearen desalojoaren ondoren, talde batzuek Amurrioko Maskuribai industriaguneko pabiloi batean jarraitu zuten. Hasieran talde bakoitza bere gelan aritu zen, baina geroago pabiloia osorik alokatu eta eskaintza zabalagoa jarri zuten martxan, musika-ikastaroak, kontzertuak eta grabaketa zerbitzuak eskainiz.
Hamarkada batean, berrogei talde baino gehiago igaro dira Burubioko lokaletatik, proiektu musikal efimeroak zein iraunkorrak. Hainbat taldek, hala nola Izate Faltsua, Nakkiga, Five Corners, Astarte, Uluka, Ikäara, Patx & Run, 4Bancos, Gwa Ya Reggae, Perdido Ente Ilusiones eta Not hirukotea, Burubioren DNA daramate. Era berean, Su Ta Gar, Willis Drumond, Anari, Niña Coyote eta Chico Tornado, Sara Zozaya, Liher, Nogen, Lukiek, Dupla eta Berri Txarrak bezalako Euskal Herriko talde ezagunek ere erabili dute espazio hau.
Burubio Elkartea ez zen soilik entsegu-lokala izan; Euskal Herriko talde askorentzat aterpe eta oholtzarako jauzi-taula izan da. Bertan prestatu zituzten, besteak beste, Zea Mays taldeak Adore Kemena Kuraia diskoa aurkezteko bira eta Pi.L.T. taldeak bere itzulera bira. Gainera, Berri Txarrak taldeak Araban eskaini zuen azken kontzertua ere bertan izan zen 2019 an.
Elkartearen biziraupena bazkideen ekarpen ekonomikoari esker izan da nagusiki, 70 bazkide baino gehiagok osatzen baitzuten. Hauek deskontuak jasotzen zituzten kontzertuetan. Publikoaren aldetik ere babes handia izan du, nahiz eta azken urteetan zuzeneko musikaren eskaintza handiaren aurrean publikoaren beherakada nabaritu den.
Itxiera 2023 an hasitako debeku baten ondorio da, lokalak bigarren larrialdi-irteera behar zuelako jendaurreko ekitaldiak antolatu ahal izateko. Amurrioko Udala rekin izandako komunikazio zaila eta 2025 ean udal-dirulaguntza jasotzeari utzi izana erabakigarriak izan dira. Taldeek ezin zioten espazioaren kostu ekonomikoari eutsi.
Burubio Elkartearen itxierak hutsune nabarmena utzi du. Hala ere, hainbat talde eta musikari Amurrioko Musikazale Elkarte aren inguruan antolatzen hasi dira dagoeneko, entsegu-lokal berrien aldeko sinadurak bilduz. Etorkizunean Aiaraldeko kultur sorkuntzak lekukoa hartuko duen hurrengo kate-begiaren zain dago.
