Iruneko Udala k aurkeztu du Chillida Mendiburu. Espejo del tiempo erakusketa, bi artista garrantzitsuren lanak uztartzen dituena. Guztira, 24 obra ikusgai dira, artistako 12. Erakusketa Menchu Gal aretoan egongo da zabalik 2027ko urtarrilaren 10era arte.
Aurkezpenean parte hartu zuten Iruneko alkatea, Cristina Laborda; Kultura delegatua, Nuria Alzaga; Chillida Leku ko zuzendaria, Mikel Chillida; erakusketako komisarioak, Estela Solana eta Juan Pablo Huercanos; eta Remigio Mendiburu ren senitartekoak.
Cristina Laborda alkateak azpimarratu duenez, "plazer handia da Irunek horrelako erakusketa bat hartu ahal izatea eta Menchu Gal en Chillida eta Mendiburu bezalako bi eskultura figura garrantzitsuren lanak biltzea. Gure hirian aukera kultural paregabea da hau, beraien obra eta bien arteko lotura ezagutzeko aukera ematen duena".
Erakusketak, gainera, Laboral Kutxa ren bildumako Puño Mazo obra bat eta hainbat bilduma partikularren laguntzak jasotzen ditu. Lan hau Menchu Gal aretoaren lan-ildoarekin bat dator, 2010ean inauguratu zen eta euskal sorkuntza garaikidea zabaltzeari lotua dagoena.
Erakusketak bi artisten ibilbideei begirada bateratu bat proposatzen die, baita materiarekiko, espazioarekiko eta sorkuntza prozesuarekiko izan zituzten hurbilketak ere. Nabarmendu beharreko elementuetako bat Chillida eta Mendiburu ren arteko topaketa dokumentatzen duen argazki-erreportaje bat da, Hondarribia ko Mendiburu ren tailerrean egindakoa, Sidney eta A. Lurie Waintrob estatubatuarrek egindako argazkiekin.
Estela Solana eta Juan Pablo Huercanos dira erakusketaren komisarioak, eta Xabier Salaberria k egindako museografia eta Maite Zabaleta k diseinatutako katalogo bat ditu osagarri. Katalogoa 12 euro ren truke egongo da salgai.
Erakusketaren osagarri gisa, Taller de Arquitectura Maushaus-ek gidatutako familia-tailerrak antolatu dira. Saioak doakoak dira eta aurretiko izen-ematea eskatzen dute, urriaren 16an, azaroaren 13an eta abenduaren 11n izango dira.
Menchu Gal aretoa ostiral eta larunbatetan zabalik egongo da 18:00etatik 21:00etara, eta igandeetan 11:30etik 13:30era.
