Urtero bezala, Artziniegan herri oratzea ospatu da, ogiaren elaborazio tradizionala gazteen artean sustatzeko helburuarekin. Artea elkarteak antolatutako tailerrak adin guztietako ehun parte-hartzaile baino gehiago erakarri ditu.

Ekitaldian, ogia oratzeko prozesuaren azalpen zehatzak eman dira. Ondoren, parte-hartzaileek aukera izan dute bakoitzak bere txoripan bat prestatzeko eta labean egiteko, antzinako teknikak praktikan jarriz.

Artea elkarteko kideek pazko-opil batzuk ere prestatu zituzten, eta bertaratutakoei beren gazte garaiko ohiturak kontatu zizkieten. Artziniegan, Pazko garaian, txorizoz eta arrautzez betetako ogiak prestatzeko tradizioa zegoen, aitabitxi eta amabitxiek besoetakoei oparitzeko edo kuadrillako lagunen artean elkarrekin jateko.