Amurrioko Dantza Lagunak jai-kuadrillak bere 60 urteko ibilbidea ospatu du gaur, dantzarekin eta ekitaldi hunkigarri batekin. 1966an sortu zen lagun talde baten eskutik, eta 1967an hartu zuen lehen aldiz parte udalerriko festetan.
Egun osoko egitaraua antolatu dute kuadrillako kideek, baina ospakizunaren ardatza jai-kuadrillaren sortzaileak eta 60 urte hauetan zehar ordezkari izandako guztiak banan-banan omentzea izan da.
Gaurko ospakizunaren ostean, Dantza Lagunak kuadrillako kideak abuztuko jaiei begira jarriko dira. Horretarako, aurtengo festetan kuadrillaren eta jaietako ordezkari izango diren bi kideak aurkeztu dituzte jendaurrean, motorrak berotzen hasteko asmoz.
