Irailaren 1etik 6ra arte, bisitariek aukera izango dute Sukarrietako eta Kanalako historia ezagutzeko, argazki zaharren eta errepresaliatutako emakumeen esperientzien bitartez.
Sukarrietako Udalak eta Sukarrieta Kanalako Emakumeen Elkarteak, Bizkaiko Foru Aldundiaren laguntzarekin, ekimen hau jarri dute martxan. Helburu nagusia herriko eta inguruko memoria historikoa berreskuratzea eta herritarrengana hurbiltzea da.
Erakusketak bi zati nagusi ditu. Alde batetik, Sukarrietako emakume errepresaliatuen inguruko atala dago, haien bizipenak eta jasandako egoerak gogoratzeko. Bestetik, Kanala eta Sukarrietako argazki historikoen bilduma ikusgarria batu da, herriko bazterrak eta lehengo bizimodua ezagutzeko.
Erakusketa Kanalako Gizartetxean egongo da ikusgai, irailaren 1etik 6ra bitartean, arratsaldero 18:30etik 20:30era.
