Bizkaiko Foru Aldundiak bi erakunderi emandako laguntza ekonomikoa zabaltzea onartu du, guztira 2.421.802 euro. Diru-laguntza horiek Fundación Argia eta Bidaideak elkarteek kudeatzen dituzten bi programa finantzatuko dituzte.

Fundación Argia k 1.913.625 euro jasoko ditu Berango ko Lantzarte n eskaintzen duen egoitza-zerbitzuari jarraipena emateko. Hitzarmenak 2027ko abenduaren 31ra arteko iraupena izango du, eta hasierako epe bera duen luzapen bat egiteko aukera aurreikusten du. Hitzarmen honen berritzeak baliabide finkatu honen jarraipena bermatuko du, osasun mentaleko arazoak dituzten pertsonentzako arreta espezializatua, etengabea eta pertsonan zentratua eskaintzeko konpromisoa indartuz.

Bestalde, Asociación Sociedad Vasca de Minusválidos Bidaideak elkarteari emandako diru-laguntzak Aterik-Ate garraio egokituko programa finantzatzeko balioko du 2026an, 508.277 euroko aurrekontuarekin. Zerbitzu hau mugikortasun arazo larriak dituzten pertsonentzat da, eta Bizkaia lurralde-eremuan barrena ibilbide pertsonalizatuak eskaintzen ditu ibilgailu egokituak erabiliz. Zerbitzua atez-atekoa eta eskariaren araberakoa da, erabiltzaileek berek zehazten dituztelarik ordutegiak eta helmugak.

2024an, Aterik-Ate programak 65.339 zerbitzu eskaini zituen eta 876 pertsonari lagundu zien. Bidaideak elkarteak desgaitasuna duten pertsonen inklusioaren alde eta beren parte hartze soziala zailtzen duten oztopoak ezabatzearen alde lan egiten du, autonomia sustatuz eta baliabideetara, jardueretara eta aukeretara baldintza berdinetan sartzea bermatuz.