Laudio-Palestina egitasmoak ekitaldi bat antolatu zuen ostegunean Lamuza plazan, non hainbat aldarrikapen uztartu ziren. Ekimenaren baitan, Gure haurrak ere badira ekimena jarraiki, olibondo bat landatu zuten.
Aipatu taldeak bultzatutako ekimenari esker, Laudioko ikastetxe guztiek jada landatu dute olibondo bat, Israelek hil dituen ume palestinar guztiak gogoratzeko helburuarekin.
Asteazkenean itzuli zen Haizea Urkixo laudioarra Euskal Herrira, eta ekitaldi honetan ongietorri beroa egin zioten. Urkixo Libian egon da Gazarako bidea egiten saiatu zen konboiarekin. Konboia Sirten erasotua izan zen astelehenean, eta Urkixok bahituta jarraitzen duten ekintzaileak askatzeko eskatu zuen berriro.
