Ekaitz Bertiz, 22 urteko sunbildarra eta bereziki bere film laburrei esker ezaguna, ilusioz beterik dago 'La Bola Negra' filmean parte hartu ondoren. Los Javis, Javier Ambrossi eta Javier Calvo, zuzendarien azken lan honek Cannesko zinema jaialdian saria irabazi du.
Bertizek zuzendari laguntzaile lanetan aritu zen filmean, eta baita cameo bat ere egin zuen. "Amets bat izan da", adierazi du gazteak, bere lehen lan profesionala Penélope Cruz eta Los Javis bezalako izenekin egitea "oso garrantzitsua" dela azpimarratuz.
Preprodukzioan hasi zen lanean, eta bi hilabetez Madrilgo bulegoan egon zen, aktoreak eta zuzendariak ezagutzen. "Horrek segurtasun pixka bat eman zidan", aitortu du. Rodaketa egunetan, Miguel Bernardeau, Guitarricadelafuente eta Penélope Cruz bezalako aktoreekin lan egin zuen, "lan gogorrak eta luzeak" izan arren.
Bere parte hartzea filmean bost segundokoa da, baina trailerrean agertzen da. "Lehen soldadua naiz Guitarricadelafuente atea irekitzean", azaldu du. Hasiera batean ez zuen Cannesera joaterik izan, baina "oso zuzenean" jarraitu zuen jaialdia.
Bertizen urte berezia izaten ari da. Canneseko sariari gehitu zaio bere film laburrak, Erreka zoko hortan, Bilboko FANT jaialdian lortutako saria, Lorena Mariñelarena rentzat, film laburren atalean emakumezko aktore onenaren saria.
