Trapagaraneko bizilagunek kezka agertu dute udalerriko hainbat gunetan arratoien presentzia nabarmen areagotu delako. Egoera honek osasun publikoari eta herritarren elkarbizitzari eragiten diela adierazi dute.
Karraskariak Resurrección María de Azkue kalean, igerilekuen inguruan, Zuberoa kalean, Udal Euskaltegiaren ondoan, eta San Gabriel inguruan ikusi dira batez ere. Azken gune honetan, bertako bizilagunen arabera, arratoiak gero eta ohikoagoak dira.
Ez da soilik unean uneko arazo bat, baizik eta osasunari zuzenean eragiten dion arazo bat, osasun publikorako arriskuak sor ditzakeena eta bizilagunen bizi kalitatea hondatzen duena.
EAJk adierazi duenez, egoera hau hainbat aldiz jakinarazi zaio Udalari, baina orain arte ez da erantzun eraginkorrik jaso. Horregatik, talde jeltzaleak desarratizazio eta izurriteen kontrolerako kanpainak abian jartzeko eskatu du, arazoaren hedapena geldiarazteko helburuarekin.
Gainera, udal zerbitzuek egoera hau udalerriko beste auzo batzuetan ere gertatzen ari den ebaluatzea beharrezkotzat jotzen dute, arazoa gehiago hedatu aurretik aurre egiteko.
