Iruneko Udalak XVI. Dies Oiassonis Jaialdiaren baitan antolatutako Erromatar Merkatua inauguratu du, ia 70 postu biltzen dituena. Cristina Laborda alkateak eta Nuria Alzaga lehen alkateordeak bisitatu dute merkatu hau, Plaza Jenaro Etxeandia tik abiatu den ibilbidean.
Uztailaren 19 ra arte, hiriko kale, plaza eta gune desberdinetan ospatuko diren berrogeita hamar jarduera inguru izango dira. Antzinako Oiassoren garaira eramango gaituzte antzerkiaren, musikaren, gastronomiaren, artisautzaren eta erreprodukzio historikoen bidez, publiko guztientzat zuzendutako proposamenekin.
“"Merkatu honetako produktuen aniztasunak, kantitateak eta giro onak Dies Oiassonis-eko erakargarri nagusietako bat bihurtzen dute. Eskerrak eman nahi dizkiet merkatariei beraien lanagatik eta parte hartzeko gogoagatik."
Labordak azpimarratu duenez, jaialdiak hiriaren historia eta ondarea balioan jartzeko aukera paregabea eskaintzen du. "Irun ekitaldien hiria dela berresten dugu, proposamen kultural eta historiko ugari eskaintzen dituen jaialdi honekin", adierazi du.
Alkateak bertako bizilagunak zein bisitariak animatu ditu egun hauetan Irunera etortzera, urtero jarraitzaile berriak lortzen dituen Dies Oiassonis-en parte hartzera.
XVI. Dies Oiassonis jaialdiak antzinako Oiassoren ondare arkeologikoa eta historia gertutik, dibulgatibo eta jai giroan ezagutzeko aukera emango du berriro. Hiria Antzinatearekin lotura estua duen topagune bilakatuko da, erromatarren ohiturak, eguneroko bizitza eta kultura ezagutzeko.
Aurtengo edizioak esanahi berezia du, Museo Oiasso ren 20. urteurrena ospatzen baita, Iruneko erromatar ondarea kontserbatzeko, ikertzeko eta zabaltzeko erreferente nagusietako bat dena.
