Iruneko San Marcial Txingudi kanpoaldeko igerilekuek ekainaren 15ean hasiko dute denboraldia, irailaren 15era arte zabalik egongo direlarik. Instalazioek, urte osoan martxan dauden tenis eta padel pistekin batera, uda sasoiko zerbitzu guztiak eskainiko dituzte.
Aurtengo urtean ere, bainurako sarbidea eguneko bi txandatan antolatuko da: goizez, 11:00etatik 15:15era, eta arratsaldez, 16:15etik 20:30era. Interesdunek aldez aurretik eskatu beharko dute plaza telematikoki.
Erreserbak udalaren webgunean egin ahal izango dira, bi egun lehenago, egunero 22:00etan aktibatuko direlarik. Helduen sarrerak 2,20 euro balio du eta 4 eta 17 urte bitartekoentzat, 1,80 euro. Hiru urtetik beherakoentzat doakoa izango da sarrera. Sarrera eskuratzeko derrigorrezkoa izango da NANa aurkeztea. Ezin bada joan, erreserbaren anulazioa webgunearen bidez edo 943 62 72 66 telefono zenbakira deituta egin beharko da, txanda bakoitzaren aurretik.
Erreserba egin eta bertaratu ez direnek zazpi eguneko zigorra jasoko dute, ezingo baitute berriro erreserbarik egin. Era berean, erabat debekatuta dago erretzea igerilekuen inguru osoan. Udala k gogorarazi du L3 autobus lineak ere ematen duela sarbidea instalazioetara.
“"Igerilekuak prest ditugu eta ziur nago, beti bezala, haien irekieraren inguruko espektatiba handiak merezi izango duela."
