Kultura eta Hizkuntza Politika Sailak, Jarduera Fisikoaren eta Kirolaren zuzendaritzaren bitartez, erakundeen arteko lankidetza sustatu nahi du. Helburua da Irun mugako herrian eta bertako kirol-taldeetan dauden beharrei erantzuna emango dien azpiegitura bat definitzea.
Jaurlaritzak jaso du dagoeneko Udalak prestatutako aurretiazko dokumentazioa. Proiektua aurrera eramateko, finantzaketa eta exekuzioa hiru erakundeen artean adostu beharko dira. Horretarako, lantaldeak proiektuaren oinarriak, epeak eta kostuak aztertuko ditu.
Bestalde, Jaurlaritzak berretsi du Txenpereneako eremuan kirol-instalazioak kokatzeko konpromisoa, Plaiaundiko egungo instalazioak desegiteko prozesuaren baitan. Horretarako, erakundeek ulermen-protokolo bat sinatzea proposatu da, proiektu teknikoak eta finantzaketa-konpromisoak finkatzeko.
