Orain arte Presto Parking zen aukera bakarra, baina hemendik aurrera Telpark aplikazioa ere erabilgarri egongo da OTA txartelak eskuratzeko. Mugikortasun Jasangarriaren Arloak jakinarazi duenez, bi aukera horiek eskaintzen dizkiete herritarrei.
Aipagarria da Telpark aplikazio berriaren berezitasun nagusia: erabiltzailearentzako zerbitzu-komisio bat ezartzen du, tasaren zenbatekoaren %10-koa, dagokion BEZaz gain. Nolanahi ere, gutxieneko komisio bat ezarriko da, 0,05 eurokoa, nahiz eta etorkizunean Telpark-en borondatez alda daitekeen.
Aplikazio honek kalean araututako aparkalekua mugikorretik kudeatzeko aukera emango du, eta soilik metro gisa balioko du eremu arautuetan. Garrantzitsua da azpimarratzea telefono mugikorraren bidez ordaintzean ez dela beharrezkoa izango txartela ibilgailuaren parabrisan jartzea. Kontrol-langileek matrikularen bidez egiaztatuko dute OTAren ordainketa behar bezala eginda dagoen, Presto Parking-ekin urteetan egin izan den bezala.
Iruneko Udala k gogorarazten du OTA aparkaleku erregulatuko guneetarako aplikazio hauek enpresa pribatuenak direla.
