Iruneko Udala k, Merkataritza eta Ekonomia Sustatzeko Sailaren bitartez, tokiko merkataritzari zuzendutako prestakuntza programari jarraipena ematen dio, azaro arte ikastaro berriekin. Ekimen honen helburua da sektoreari egungo erronkei aurre egiteko beharrezko ezagutzak eta tresnak eskaintzea, haien etengabeko hobekuntza, egokitzapena eta lehiakortasuna sustatuz.
Commerce Lab espazioan (Serapio Mugica kalea, 8) burutuko diren saioak irailaren eta azaroaren artean izango dira. Formazio hauek aurreko saioetan jasotako iradokizunetan oinarritzen dira, eskaintza hobetzeko eta sektorearen beharretara egokitzeko.
Nuria Alzaga, alkateordea eta Sustapen Ekonomikoko ordezkaria, nabarmendu duenez, "Commerce Lab helburu honekin sortu zen: gure merkataritzarentzako espazio baliagarria izateko. Ez da bakarrik ikastaroak eskaintzea, baizik eta sektoreak zer behar duen entzun eta beraien eguneroko negozioetan aplikatu ditzaketen tresnak eskura jartzea."
Alzaga-k gaineratu duenez, "kontsumo ohiturak azkar aldatzen dira eta tresna berriak etengabe agertzen dira. Gure eginkizuna tokiko merkataritzari prozesu horretan laguntzea da, prestakuntza praktiko eta eskuragarria eskainiz, sare sozialetatik edo adimen artifizialetik hasi eta adinekoen arreta edo erreklamazioen kudeaketa bezalako gaietaraino. Modernizatzeak ez du esan nahi hurbileko merkataritzaren esentzia galtzea; aitzitik, lehiakorra izaten jarraitzeko tresna gehiago ematea da."
Formakuntzak teorikoak eta praktikoak izango dira, eta merkataritza txikiari zuzenduta daude. Horrela, inguruko aldaketetara egokitzen eta lehiakorrak izaten lagunduko dieten tresnak eskuratuko dituzte. Kanpaina honetan, sare sozialetan zabaltzeko kartel promozionalak sortzea, giza faktorearen garrantzia, merkataritzarako adimen artifiziala (AI), edo Gabonetako kanpainarako erakusleihoak diseinatzea jorratuko dira, besteak beste.
Formakuntzak merkataritzan eta komunikazioan esperientzia duten profesionalek emango dituzte: Ibon Irastorza, Ane Sanzberro, Mario Echevarria, Badoa, Pixel Diseinua eta Gipuzkoako Merkataritza Ganbera.
Interesdunek prestakuntza bakoitzaren izena, bertaratuko den pertsonaren izena, komertzioa eta telefono zenbakia adieraziz eman beharko dute izena, helbide elektroniko batera idatziz.
Azaroaren amaierara arteko eskaintza osoa honako hau da, saio guztiak 13:45etik 15:45era izango direlarik:
Publizitatea sare sozialetan kostu txikiarekin: Irailaren 29an. Meta plataformetan (Facebook eta Instagram) aurrekontu txikiko publizitate eraginkorrak sortzen ikasiko dute parte-hartzaileek.
CANVA oinarrizkoa Instagramerako eta kartelak sortzeko: Urriaren 1, 6 eta 8an. Parte-hartzaileek edukien diseinua eta kartelak sortzen ikasiko dute CANVA erabiliz.
RRSS errealistak: astean 30 minutu: Urriaren 13an. Merkataritza txiki baten sare sozialak modu errealistan antolatzen ikasiko dute.
GIZA FAKTOREA: Tratu ona adinekoekin: Urriaren 15ean. Adinekoekin harremanak hobetzeko prestakuntza, tratu hurbil, errespetuzko eta enpatikoa sustatuz.
Instagram + AI merkatarientzat: zure ahotsa galdu gabe edukiak sortu: Urriaren 21ean. Adimen artifizialak ideiak aurkitzen, edukiak planifikatzen eta testuak, reelak, karuselak eta istorioak prestatzen lagun diezaiekeen aztertuko da.
Oratoria - Bideoak RRSS eta edukiak: Urriaren 27an. Kameraren aurrean segurtasunez, naturaltasunez eta sinesgarritasunez komunikatzen ikasteko baliabideak landuko dira.
Edukiak sortzeko estrategiak marketin digitalean: Azaroaren 3an. Merkataritzaren xede-publikoa identifikatzen eta eduki-estrategia bat diseinatzen ikasiko da.
AI prozesuen kudeaketarako: Azaroaren 10 eta 12an. Adimen artifiziala merkataritzan nola aplikatu aztertuko da, hala nola inbentarioa optimizatzeko edo salmenta estrategiak pertsonalizatzeko.
Gabonetako erakusleihoak prestatzeko: Azaroaren 18an. Gabonetako kanpainarako erakusleihoen diseinuko joera nagusiak ezagutuko dira.
GIZA FAKTOREA: Bezeroaren arreta kexa edo erreklamazio baten aurrean: Azaroaren 26an. Kexak eta erreklamazioak kudeatzen hobetzeko prestakuntza, bezeroarekiko harremana eta zerbitzuaren kalitatea hobetzeko aukera gisa.
