Carlos Quindós, Visesako zuzendari nagusia, eta Igor Enparan, Hondarribiko alkatea, Presa I-n kokatutako aparkaleku berriaren inaugurazioan izan dira. Gune honek 55 plaza ditu aparkalekuan bertan eta beste 10 Biteri kalean, horietatik bi mugikortasun murriztua duten pertsonentzat egokituta.
Ekintza hau Hondarribiko Udala ren eta Visesa ren artean sinatutako lankidetza-hitzarmenaren barruan kokatzen da. Hitzarmen honek alokairuan emango diren 66 babes ofizialeko etxebizitzen sustapena ahalbidetzen du, eta gaur egun eraikuntza-lanen azken fasean dago. Akordioaren bidez, Udalak doan utzi zion lurzorua Visesari etxebizitza sustapenerako, eta lanen kostuaren %15a ere ordaindu zuen. Horren truke, herritarrentzako aparkaleku gunea udalaren esku geratzea adostu zen, besteak beste.
Aparalekuak 1.780 m²-ko azalera du gutxi gorabehera, eta aparkalekua, bidegorria, espaloiak eta gune berdea hartzen ditu. Maneiuak errazteko diseinatu da, eta asfalto inprimatu testurizatuarekin egin da. Gainera, ingurunera egokitzeko, zuhaitzak landatu dira, bere presentzia bisuala leuntzeko.
