Txapelketa hau Hondarribiko kirol egutegiko hitzordu garrantzitsuenetakoa bilakatu da bi hamarkadatan. Aurtengo edizioan, zortzi bikotek parte hartuko dute gizonezkoen kategorian, bi multzotan banatuta. Lehiaketa uztailaren 10ean hasiko da eta finalak abuztuaren 28an jokatuko dira.
Emakumezkoen Master Series txapelketa ere abuztuan zehar garatuko da. Bertan, maila goreneko pilotariak lehiatuko dira, gaztetasuna eta esperientzia uztartuz. Partidak ostiraletan izango dira, 20:00etatik aurrera.
Sarrerak jaialai.eus webgunean edo Jostaldi frontoiko leihatilan eskuratu daitezke. Prezioak 10 eta 15 euro artekoak dira, partidaren garrantziaren arabera.
