Interesdunek irailaren 14ra arte izango dute izena emateko aukera. Ikasturte berrirako, bi modalitate nagusi eskainiko dira: hiru hilabeteko ikastaro intentsiboa, urriaren 1etik abenduaren 22ra bitartean, eguneko 4 orduko eskolarekin, goizeko 09:00etatik 13:15era; edota ikasturte osoko ikastaroak, urriaren 1etik ekainaren 18ra arte, asteko bost edo sei orduko eskolak eta ordutegi zabala eskainiz.
Eskaintza horietan izena emateko, eskaera telematikoki egin beharko da, udalaren webgunearen egoitza elektronikoaren bidez edo hirian kokatutako autozerbitzu terminaletan. Horretarako, sinadura elektroniko sistema bat beharko da, hala nola Irun Txartela-BAKQ.
Bestalde, Euskaltegi Munizipalak eskaintzen dituen ikastaroengatik ordaindutako matrikula berreskuratu ahal izango da Iruneko Udalaren bekaren deialdia ren edo HABE ren dirulaguntzen bidez. Gainera, 2026-2027 ikasturtean, Eusko Jaurlaritza k 'Euskara Bonua' jarriko du martxan. Honekin, A1 eta B1.1 mailetaraino, gehienez lau urteko epean kontsumitu daitekeen ordu poltsa bat sortzeko aukera eskainiko da, 120 euroko ordainketa bakarrarekin.
HIRU HILEBETEKO IKASTARO INTENTSBOENTZAT, LANNAHI programako tasen onuradunek 20 euro ordainduko dituzte txanda bakoitzeko.
Eskaera osatzeko, nahitaezkoa da maila-proba egitea, salbu eta Euskaltegi Munizipalean ikasten ari direnak edo aurreko ikasturtean ikasle izan direnak. Maila-proba horretarako hitzordua kontsultatzeko, interesdunek 943 50 52 73 telefono zenbakira deitu beharko dute, inskripzioa egin ondoren.
