Donostia Kulturako Udal Liburutegien Sareak aurten ere argitaratu du bere urteroko liburu gomendioen gida, 'Irakurlee'. Bertan, iaz argitaratutako 104 lan bildu dira, 52 euskaraz eta beste 52 gaztelaniaz. Liburu guztiak eskuragarri daude Udal Liburutegi Sareko bazkideek maileguan hartu edo erreserbatzeko.
Gida paperean nahiz digitalean eskura daiteke. 10.000 ale inprimatu dira eta liburutegietan eta kultur etxeetan banatuko dira. Era berean, PDF formatuan deskargatu daiteke Donostia Kulturaren webgunetik.
Gidak adin guztietako irakurleak hartu ditu kontuan, hiru atal nagusitan banatuta. Haurrentzako atalak 64 liburu biltzen ditu, erdiak euskaraz eta erdiak gaztelaniaz, adinaren arabera sailkatuta: 0 urtetik aurrerakoentzat, 5 urtetik aurrerakoentzat, 8 urtetik aurrerakoentzat eta 12 urtetik aurrerakoentzat.
Helduentzako atalean, berriz, 40 liburu gomendatzen dira, era berean, euskaraz eta gaztelaniaz. Hirugarren atalean, Kutxa Fundazioa Irun Literatura Sarietako 46. edizioan hautatutako kontakizun eta antzerki liburuak aurki daitezke.
