Maria Vaquerizo musikariak bere ibilbide profesionalari jarraipena ematen dio, eta ostiral honetan Kopetxin kultur etxean zuzenekoa eskainiko du. Bertan, bere lehen single profesionala, ‘Vamos’, aurkeztuko du, pop argitsua eta udako doinua duena. Gainera, ‘Mil historias’ eta ‘Déjate llevar!’ bezalako beste abesti batzuk ere joko ditu, pop-country eta soinu elektronikoagoak uztartuz.
Kontzertuan, Vaquerizok bere ibilbidean eragina izan duten artisten bertsioak eta lanean ari den konposizio berriak ere joko ditu. Musikariak bere lehen EP-a prestatzen ari da, eta zuzeneko emanaldi honetan bere lan berrien aurrerapena eskainiko du.
“"Zuzeneko emanaldi hori da eskaini eta lortu nahi dudana: zuzenekoaren emozio inperfektua, publikoarekiko hurbiltasuna eta benetan jendearekin konektatzen duen abesti bat sortzen den sentsazio hori."
Lemoa ko artistak bere jaioterriarekin duen lotura artistikoa nabarmena da, eta bertako kultur ekitaldietan parte hartu izan du, hala nola Lemoakustik Fest jaialdian. Bere sustraiak aldarrikatzen ditu bere lan guztietan. Kontzertua 20:00etan hasiko da eta sarrerak 6 euroan daude salgai www.leomoa.eus webgunean.
