Ertzaintzak hiru pertsona identifikatu zituen iazko urriaren 15ean, komunikatu gabeko bi elkarretaratzeren deitzaile izatea egotzita. Orain jakin denez, pertsona horietako batek zigor administratiboa jaso du, nahiz eta haren identitatea ez den argitaratu. Isun hori martxoaren 31n jaso zen.
Informazio hori Elkarrekin Araba batzarkide taldeak Batzar Nagusietan aurkeztutako galdera baten bidez atera da argitara. Taldeak Bingen Zupiria Segurtasun sailburuari eskatu dio gaiaren inguruko informazioa, bi elkarretaratzeen espedienteen kopiak eta Ertzaintzak egun horretan jarritako salaketen xehetasunak barne.
“"Herritarrek nola jakin dezaketen zein elkarretaratze komunikatu den eta zein ez, eta agintari publikoek beren garapena baimendu duten edo ez."
David Rodriguez Elkarrekin Arabako bozeramaileak adierazi duenez, elkarretaratze horien deialdiak hainbat hedabidetan zabaldu ziren, eta, nahiz eta ofizialki komunikatu ez, agintariek “bilkura horiek ahalbidetu” zituzten. Horregatik, Rodriguezek Zupiriari galdetu dio ea “zertan oinarritu diren pertsona hori antolatzaile gisa salatzeko”.
