Zaramaga ko kaleak jolas-eszenatoki erraldoi bihurtuko dira datorren irailaren 19an, bertako 13 saltoki eta ostalaritza-establezimendu inguruan antolatuko den ginkana batean. Parte-hartzaileek enigmak ebatzi, pistak aurkitu eta erronkak gainditu beharko dituzte mugikorrerako aplikazio baten bidez.
Ekimen hau Zaramagako Planaren barnean kokatzen da, auzoaren biziberritzea helburu duena. Horrela, jolasak eta parte-hartzeak auzoaren historia eta ondarea ezagutaraztea bilatzen du, tokiko kontsumoa sustatuz eta auzoaren identitatea indartuz.
Ginkana Zaramagako jaiak ospatzen diren egun berean izango da. Irteera plaza Amurrioko parkeko pergolatik hasiko da 10:00etatik aurrera, eta taldeek 75 minutu izango dituzte ibilbidea osatzeko. Taldeak 2 eta 6 pertsona artekoak izan daitezke. Eguerdiko 13:30ean, plaza berean, sariak banatuko dira denbora gutxien behar izan duen taldearentzat, baita parte-hartzaileen artean zozketatutako opariak ere.
Miren Fernández de Landa, Gobernu Irekiaren eta Zentru Zibikoen zinegotziak, azpimarratu duenez, " nahi dugu Zaramaga modu ezberdinean bizi, deskubritu eta gozatu dadin, eta merkataritza eta ostalaritza esperientzia horren parte izan daitezen". "Ekimen honek parte-hartzea, aisialdia, teknologia eta auzoaren ezagutza uztartzen ditu, helburu argi batekin: jarduera sortzea eta Zaramagaren bizitza ekonomiko, sozial eta auzokoarentzat funtsezkoa den ehuna balioan jartzea".
Patricia García, Gasteiz On-eko (koordinazio teknikoa) gerenteak, gaineratu du proiektua "auzorako hurbiltzeko aitzakia ezin hobea" dela, "establezimendu bakoitzaren atzean jarduera ekonomikoa, enplegua eta pertsonak daudelako". Gainera, ekimenak auzoari eta negozioei tresna digital bat eskaintzen diela adierazi du, egun bateko dinamizazioaz haratago, denboran luzatzen dena, eta publiko gazteago eta digitalago batengana iristeko aukera ematen duela, baita familientzat ere.
‘Shopping Escape Zaramaga’ auzoa ikuspegi integral batetik biziberritzeko proposamena da. Horrela, tokiko merkataritzak eta ostalaritzak zeregin estrategikoa dute, ez bakarrik haien garrantzi ekonomikoagatik, baita kaleetan topaketak, bizikidetza eta jarduera sortzeko duten gaitasunagatik ere. Fernández de Landak azaldu duenez, "gune baten birgaitzea ez da soilik espazio fisikoak eraldatzea, baita bere kaleek bizia izatea, negozioak ikusgai izatea eta pertsona berriek auzoa deskubritzea lortzea ere".
Ekimen hau urtebetez egongo da aktibo mugikorrerako aplikazioaren bidez, nahiz eta sariak irailaren 19an parte hartu dutenentzat soilik izango diren. Horrela, auzokoek eta hiriko beste leku batzuetakoek edozein unetan egin ahal izango dute esperientzia.
