Etxebizitza galtzeko arrisku egoeretan, udaleko gizarte-zerbitzuek kasu bakoitza bereziki baloratzen dute, aurreikusitako esku-hartze planari jarraituz, galerarik gerta ez dadin.
Desahuzio edo hustetze bat gertatuz gero, eta beste alternatibarik ez badago, Gizarte Politiken Sailak banan-banan baloratzen du zer eskain daitekeen premiazko ostatu gisa.
Gaurko desahuzio judizialaren kaltetutako familiaren kasuan, Udalak eskaini dion aukera bakarra baliabide sozial batean premiazko eta behin-behineko ostatu bat izan da, baina familiak uko egin dio. Gizarte-zerbitzuek ez dute etxebizitzarik zuzenean esleitzeko.
Familia hau egoera ahulean dago, eta horregatik duela urte batzuetatik hona administrazio publikoek laguntza ematen diote, bai egoera ekonomikoari, bai egoera sozialari aurre egiteko. Familiaren intimitatearekiko errespetuagatik, Udalak ez du espedientearen inguruko informaziorik emango. Konpromisoa da udal-eskumenen barruan lanean jarraitzea, beharren araberako erantzun soziala eskainiz.
