San Martin parkeko haurrentzako jolasguneak eta aire libreko ariketa guneak berrikuntza lanak amaitu ondoren estreinatu dute asteburu honetan. Espazio Publiko eta Auzoen Departamentuak bultzatutako jarduketa honek, 217.938 euroko inbertsioa izan du, parkeko gune jendetsuenetako bat eraldatzea ahalbidetu du.
Interbentzioak zoladuraren berritzea, jolasguneen berrantolaketa eta ekipamendu berrien instalazioa barne hartu ditu. Berrikuntza nagusien artean, altuera ezberdinetako egurrezko egitura handi bat nabarmentzen da, eskalada, oreka eta irristatze jarduerak dituena, haurrek jolasteko modu desberdinetan goza dezaten.
Horrez gain, aire libreko ariketa gune bat egokitu da, bizikleta estatikoa, eliptikoa eta beste elementu batzuk dituena, adin ezberdinetako jarduera fisikoa sustatzeko. Ping-pong mahaiak ere zaharberritu dira eta egonleku berriak sortu dira mahai eta bankuekin.
