Lakua auzoko Galeoi Parkean plaka bat jarriko da 1980ko hamarkadan bertan kokatutako Gao Lacho Drom ijito herrixka gogoratzeko. Ekimen honek, Vitoria-Gasteizko hiri-memoriaren zati garrantzitsu bat berreskuratu nahi du, gaur egun herritar gehienentzat ezezaguna dena.
Herrixka horrek trantsizio-espazio gisa funtzionatu zuen, txabolismo egoeratik bizi-baldintza duinagoetara igarotzeko bidea eskainiz. Horrela, ijito herriaren historiaren eta ekarpenaren aitortza iraunkorra bilatzen da, apirilaren 8ko ekitaldietara mugatu gabe.
“"Ijito herriaren aitortza ezin da apirilaren 8aren inguruan egiten ditugun ekintza eta adierazpenetara mugatu. Iraunkorra izan behar du eta gure udalerriko espazio publikoan memoria, pedagogia eta ikusgarritasun bihurtu behar da."
Elkarrekin taldeak aurkeztutako mozioa aho batez onartu zen osoko bilkuran. Talde horren bozeramailearen arabera, Gao Lacho Drom-en aitortza ez da soilik memoria historikoaren kontua, baizik eta antigitanismoari aurre egiteko tresna politiko bat ere bada. Iragan hori ikusaraztea funtsezkoa da aurreiritziak desmuntatzeko eta hiritartasun berdinzaleagoa eraikitzeko.
