Pilar gizarte-etxea eta San Andres kiroldegia beren 20. urteurrena ospatzen ari dira. Urtemuga hau ospatzeko, bertako taldeek hainbat jarduera antolatu dituzte datozen egunetarako eta datozen hilabeteetarako.

Fatxadan urteurrena nabarmentzeko, "Tejiendo relaciones" taldeak, auzoko emakumeek gidatutako proiektu bat, 20 zenbaki erraldoi bat prestatu du. Zenbaki hau beiratean dago ikusgai, ludotekako eta topaguneko langileek egindako zorion mezuarekin batera.

Beirate berean, 2025-2026ko Argazkilaritza eta reflex digitala ikastaroko ikasleek egindako lanak ere erakusten dira. Aukeratutako argazkiek ekipamendu komunitario honek erabiltzaileentzat duen esanahia islatzen dute, eta urte osoan egongo dira ikusgai.

Jarduera programazioari dagokionez, hilaren 25ean eta 27an power walking saioak izango dira. Bost kilometroko ibilbidea egingo da, Pilar, Txagorritxu eta Gazalbide auzoak zeharkatuz, eta ez da beharrezkoa izena ematea.

Hilaren 26an, urteurrena aurkezteko ekitaldi ofiziala izango da. Bertan, Alberto Garcia espezialistak gizarte-etxearen jatorriari buruzko azalpenak emango ditu. Ondoren, mahai-inguru bat egingo da, hasierako langileekin, erabiltzaileekin eta egungo taldekideekin.

Ekitaldi honetan, baita ere, familia liburutegirako sarbidean egindako murala, logoa eta urteurrenaren leloa aurkeztuko dira. Lan hauek Patricia Fernández ilustratzaile eta liburuzainak egin ditu.