Ekimen hau FEDASOC elkarteak antolatu du, Gasteiz On plataformaren babesarekin. Jardunaldiak hiriko saltokien produktuak prezio merkeagoetan eskuratzeko aukera emango du, baita Arabako artisau garagardoak dastatzekoa ere.
Gastronomia eskaintza La Pepita, Arabako taloak, Kurtos & cream eta Mati okindegia establezimenduen eskutik etorriko da. Gainera, musika zuzenean entzuteko aukera izango da La Piti por Rumbas, Código Habana eta The Ex Djs taldeen emanaldiekin.
Antolatzaileek artisau garagardoen inguruko dastaketa espezializatuak ere prestatu dituzte. Parte hartzeko 20 euroko prezioa du eta 644 787 235 zenbakira WhatsApp bidez izena eman behar da.
