Sarrera 11:45etatik aurrera izango da baimenduta. Bertaratzen direnek NAN, gidabaimena edo pasaportea aurkeztu beharko dute, baita boligrafo urdin edo beltz bat eraman ere. Gomendagarria da azterketa-eremura sartu aurretik komunak erabiltzea.
Proba bi zatitan banatuko da, eta erantzun-orri bakar batean erantzungo da: A zatia, 40 galdera eta 4 ordezko; eta B zatia, 30 galdera eta 3 ordezko. Galdera bakoitzak lau aukera izango ditu, eta horietatik bakarra izango da zuzena. Erantzun oker bakoitzeko, erantzun zuzen baten balioaren heren bat deskontatuko da. Ez dira zuzenduko azterketa-eredua (A edo B) adierazten ez duten orriak.
Proba egiteko gehienezko denbora bi ordu eta hamar minutukoa izango da. Azterketan zehar debekatuta dago telefono mugikorrak, erloju adimendunak, entzungailuak edo antzeko gailu elektronikoak erabiltzea, eramatea edo martxan izatea, iruzurra prebenitzeko eta hautagaien arteko berdintasuna bermatzeko. Gailu horiek itzalita eta gordeta egon beharko dira. Irrati-frekuentzia detektagailuak erabiliko dira probaren osotasuna babesteko.
Mediku-arrazoiengatik, edoskitzeko edo beste arrazoi justifikatuengatik gailu elektroniko bat erabili behar duten pertsonek aldez aurretik jakinarazi beharko diote horren berri epaimahaiari, epaimahaiak@ivap.eus helbidera idatziz eta dagokion mediku-agiria aurkeztuz.
Proba amaitutakoan, behin-behineko emaitzak azaroaren 17a baino lehen argitaratuko dira enplegu publikoaren webgunean. Bertan ere argitaratuko dira galdera-koaderniloa eta behin-behineko erantzun zuzenen txantiloia.
