Sailburuak nabarmendu duenez, Merkataritzari zuzendutako baliabideak %15 handitu dira eta datozen urteetan hazten jarraituko dute. "Badakigu merkataritzak orain arteko jokabide desberdina duela. Merkataritzak etorkizuna du, baina eraldaketa bat du aurrean", adierazi du, eta horren harira, bere transformazioa babestu behar dela gaineratu du.
Turismo, Merkataritza eta Kontsumo Sailak merkataritza-jardueraren lege berri bat lantzen ari da, araudia modernizatu eta "araudi berrietara, digitalizaziora, kontsumo modu berrietara, establezimendu mota berrietara eta sektorearen egungo beharretara" egokitzeko.
Halaber, gogorarazi du turismo-egiturako etxebizitzen kontrol eta antolamendu hobea bilatzen duen eta turismo jasangarria eta orekatua indartzea helburu duen Turismoari buruzko Lege berriaren izapideak amaitzen ari direla. Gainera, 2027ko urtarrilean indarrean sartuko den turismo-egonaldiengatiko zerga aipatu du, zeinaren gainean udalak azken hitza baitute baliabide horiek erabakitzeko.
