Gertakariak atzo arratsaldeko 19:30 ak pasata jazo ziren, patruila bat Ortiz de Zárate kalera bidali zutenean, lapurreta bat gertatu zela eta ustezko egilea atxikita zegoela jakinarazi ondoren. Agenteak iritsi zirenean, bi pertsona borrokan aurkitu zituzten eta bereizi egin zituzten.
Emandako informazioaren arabera, gizonezkoa establezimendu bateko erakusleiho batetik mugikor kargagailu bat lapurtzen ari zela harrapatu zuten. Lokaleko arduradunak itzultzeko eskatu zionean, biak borrokan hasi eta lurrera erori ziren.
Udaltzaingoak adierazi duenez, atxilotuak jarrera oldarkorra izan zuen bai merkatariarekin, bai agenteekin. Lokaleko irudiak berrikusi ondoren, poliziek atxilotu egin zuten.
