Bertaratzeko aukera 09:30etik aurrera izango da. Parte-hartzaileek NAN, gidabaimen edo pasaporte balioduna eraman beharko dute, baita boligrafo urdin edo beltza ere. Azterketa bi zatitan banatuko da, eta orri berean erantzun beharko dira galderak: A zatia, 40 galdera eta 4 ordezko; eta B zatia, 30 galdera eta 3 ordezko. Galdera bakoitzak lau aukera izango ditu, eta horietako bat izango da zuzena. Erantzun oker bakoitzeko, erantzun zuzen baten heren bat kenduko da. Azterketak egiteko gehienezko denbora bi ordu eta hamar minutukoa izango da.
Prozesuaren osotasuna eta berdintasuna bermatzeko, debekatuta egongo da telefono mugikorrak, erloju adimendunak, entzungailuak edo beste edozein gailu elektroniko ez-baimendu erabiltzea edo eskuragarri izatea. Gailu horiek guztiak itzalita eta gordeta egon beharko dira azterketan zehar. Irrati-maiztasunen detekzio-sistemak erabiliko dira probaren integritatea babesteko.
Mediku-arrazoiengatik, edoskitzeko edo beste arrazoi justifikatuengatik gailu elektroniko bat erabili behar duten pertsonek aldez aurretik jakinarazi beharko diote horren berri epaimahaiak@ivap.eus helbide elektronikora idatziz, eta dagokion mediku-agiria aurkeztu.
Probaren behin-behineko emaitzak azaroaren 13a baino lehen argitaratuko dira enplegu publikoaren webgunean. Bertan ere argitaratuko dira galdera-sorta eta behin-behineko erantzun zuzenen fitxa.
