Eusko Jaurlaritzako ordezkaritza batek, Ongizate, Gazteria eta Erronka Demografikoaren Sailaren eskutik, Europako Gizarte Zerbitzuen Konferentzian parte hartuko du Maltan. Topaketa honek gizarte zerbitzuen arloko politika eta praktika onenak aztertuko ditu, Bridging Boundaries: International Perspectives on Social Services lelopean.
Euskal erakundeek gizarte zerbitzuen eredu propioa partekatuko dute, arreta pertsonalizatuan, berrikuntza sozialean eta komunitatearen garrantzian oinarrituta. Gainera, Gasteiz izango da 2027ko edizioaren egoitza, eta horrek Euskadi Europako eztabaidaren erdigunean kokatuko du.
“"Kalitatea ezin da pertsonak sistemaren barruan nola mugitu jakitearen menpe egon; sistemak lagundu behar dio pertsonari."
Kongresuan zehar, Gipuzkoako Foru Aldundiko ordezkariek ere parte hartuko dute, kalitatearen bermea eta epe luzeko zainketen integrazioa bezalako gaiak jorratuz. Euskal ereduak arreta komunitarioa, prebentzioa eta erakundeen arteko lankidetza ditu ardatz nagusi.
