Andre Zuriaren Kofradiak, urtero bezala, Gasteizen izen horiek dituzten emakumeentzako topaketa berezi bat antolatu du. Ekitaldia maiatzaren 9an izango da, eta Blanca, Zuriñe, Edurne edo Nieves izeneko guztiak gonbidatuta daude.
Parte hartu nahi dutenek aurrez izena eman beharko dute maiatzaren 4a baino lehen. Izen-ematea posta elektroniko bidez egin daiteke, helbide honetara mezu bat bidaliz: [email protected]. Bertan, izen-abizenak, adina, harremanetarako telefonoa, helbide elektronikoa eta kofrade diren ala ez adierazi beharko da.
Eguneko egitaraua San Migel elizako Andre Zuriaren kaperan hasiko da, 10:00etan, eukaristia eta ofrenda batekin. Ondoren, 10:45ean, gosaria eta oparien zozketa egingo da Farolen Museoan, Zapateria kaleko 33. zenbakian. Amaitzeko, 11:30ean, Erdi Aroko hirigunean zeharreko ibilbide gidatu bat egingo da, txoko ezkutuak eta bitxikeriak ezagutzeko.
